Тәбиғәттең яҙғы һынауы

Башҡортостанды ҡар һыуҙары баҫа. Бөгөн республиканың 15 районында тиҫтәләрсә ауыл һыу эсендә. Уҙған төн Ғафуриҙәге Таш Аҫты ауылында 25 баланы хәүефһеҙ урынға күсерергә мәжбүр булдылар. Ниндәй хәлдәр һәм ниндәй ваҡиғалар көтөлә? Ошо һәм башҡа һорауҙарға Рәсәй Ғәҙәттән тыш хәлдәр министрлығының Башҡортостан буйынса баш идаралығы етәксеһе ярҙамсыһы Ленар Вәхитов яуап бирҙе.