Алайнаг гимназы сбæрæг кодтой мадæлон æвзаджы æппæтдунеон бон
Алы адæмыхæттыты æгъдæуттæ æмæ культурæ иу сценæйыл. Мадæлон æвзаджы æппæтдунеон бон сбæрæг кодтой Алайнаг гимназы дæр. Алыхуызон зарджытæ æмæ æмдзæвгæтæ ирон, кæсгон, азербаджайнаг æмæ æндæр æвзæгтыл. Скъоладзаутæ сæхи цæттæ кодтой бæстонæй. Рагацау сæппæрстой хæлттæ, æмæ афтæмæй равзæрстой чи цавæр равдыст бацæттæ кæндзæн, уый. Суанг ма уазджыты Африкæйы культурæимæ дæр базонгæ кодтой. Номыртæ хуызджындæр рауадысты сывæллæтты ирд уæлæдарæсы руаджы. Мадзалы дыккаг хайы сарæзтой хойрæгты æмæ цымыдисаг дзауматы армукъа. Цы æхцайы фæрæзтæ æрæмбырд кæной, уыдон арвитдзысты сæрмагонд æфсæддон операцийы архайджыты бинонтæн. Мадæлон æвзаджы æппæтдунеон бон скъолайы бæрæг кæнынц æрвылаз. Концерты кадджын уазæг сси ахуырад æмæ наукæйы министр Алыбегты Эллæ.