Норуот уус-уран оҥоһуктарын маастара Марфа Заборовская. Сахалыы киэргэл саҥалыы тыына

Үрүҥ тунах ыһыахпыт чугаһаан, үгүс киһи сахалыы таҥаһын хайдах гынан сонун көстүүлээх оҥорор, саҥалыы тыыны киллэрэр туһунан толкуйдаан эрдэҕэ. Маныаха таҥаһы саамай түргэнник уларытар, тупсарар киэргэл буоларын кэрэ аҥаар үксэ билэр. «Айар куттаах дьон» сахалыы подкаска норуот уус-уран оҥоһуктарын маастара Марфа Заборовскаялыын сахалыы киэргэлгэ, симэххэ аныгылыы көрүү, кини айар үлэтин туһунан кэпсэттибит.